Einkenni: Ógleði og þreyta

Er komin 10 vikur of 5 daga í dag og er gjörsamlega að bugast úr þreytu og MJÖG mikilli ógleði... er búin að prufa öll húsráð (sem og læknisfræðileg ráð) til að vinna bug á ógleði nú en allt kemur fyrir ekki. Eru aðrar á svipuðum slóðum og ég? Þið sem eruð lengra komnar, hvenær fóru þessi hvimleiðu einkenni minnkandi? Er alla jafnan mikill íþróttafíkill og æfi mikið, en síðustu vikur hef ég ekki haft það ekki í mér að fara sökum orkuleysis og vanlíðan... get ekki beðið eftir þeim degi þegar mér fer að líða betur, ætla að skrá mig hjá Fullfrísk og fara í meðgöngujóga Vona svo innilega að ég verði ekki ein af þeim sem upplifir ógleði alla meðgönguna! Þá get ég kvatt geðheilsuna :p

Æji leiðinlegt að heyra:S Ég er ekki með neina ógleði svo ég get ekki hjálpað þér:S En
ég er komin 9v og 2d og ég er strax byrjuð að fá í grindina:S Trúi ekki að þetta sé að gerast svona snemma! Var einmitt líka að spá í að skrá mig í jóga og jafnvel sund sem myndi kannski hjálpa mér.

Mér fannst ógleðin fara snar minnkandi á 10undu viku en því miður hefur þreytan lítið minnkað, er núna 12v5d.

Er komin 11v og ógleðin er eigilega farin hja mer. Byrjaði að minnka i enda 9undu viku en finn litið fyrir henni núna, en þreytan er alveg vel til staðar, er a næturvöktum og þarf helst að sofa allan daginn til að halda mer vakandi a vaktinni. Er líka loksins farin að geta hreyft mig af viti! Var og er mikill hreyfifíkill

Ég er að detta í 10 vikurnar og er einmitt með mikla ógleði og að drepast úr þreytu. Ég er reyndar hálffegin að vera með mikil einkenni því síðast var ég með mjög lítil og þá var ég með dulið fósturlát :/ En mikið verður gott að komast yfir þetta allt sem fyrst. Ég hef oftast verið orðin fín upp úr 12 vikunum

Ég er á sama stað og þú - komin 10 vikur á morgun og er með stanslausa ógleði og hef verið með í rúmar 4 vikur. Er því miður ekki með nein töfraráð, amk hefur ekkert virkað á mig. Eina sem ég þarf að passa er að vera dugleg að narta nánast stanslaust allan daginn því ef ég verð of svöng þá versnar ógleðin um milljón.

Ég hef einmitt mjög lítið mætt í ræktina sl. 4 vikur - fer vanalega á hverjum degi. Á sama tíma hef ég verið kolvetna - og brauðsjúk þannig að þetta er ekki beint góð blanda Treð í mig brauði í staðinn fyrir að hreyfa mig

Hlakka til þegar ógleðin fer að minnka og ég get vonandi farið að líkjast sjálfri mér meira. Þegar ég átti strákinn minn minnir mig að þetta hafi hætt bara rétt áður en ég datt í 12 vikurnar.

Ég er komin 13v í dag. Ógleðin byrjaði að minnka um 10 viku og er eiginlega bara alveg farin núna, mér til mikillar gleði. Þreytan er samt enn til staðar, finn samt að eftir að ógleðin minnkaði að ég er aðeins orkumeiri en þarf samt að leggjast niður allavega einu sinni á dag og slaka á eða leggja mig.